Todas las entradas de: elgatucomellingua

Visita a la clas de 5 años

Asina de bien recibiéronnos los collacios de 5 años del colexu cuando-yos fuimos a enseñar dalgunes de les coses prestoses que facemos na clas de Llingua Asturiana: xuegos, raps, cuentos, obres de teatru…

Los escolinos de sestu, qu’el prósimu añu nun tarán con nos (y que , de xuru, vamos echalos muncho de menos) fueron los encargaos de facer estes xeres, qu´esperamos-yos prestaren a los pequeños.

Y al final nos entrugamos: ¿vendránse con nos a la clas de llingua l’añu que vien?.

37 Selmana de les Lletres Asturianes

 

¡Vaya como tuvimos trabayando estos díes pa poder festexar toos xuntos la 37 Selmana de les Lletres Asturianes!: precioses tarxetes de pallabres pa regalar, pallabreros, cuentos, xuegos, obres de teatru, periódicos… y munches más coses que pudimos crear con pallabres.

Trabayando
Trabayando
Y más trabayu

¿Qué quies veles?: Hasta’l prósimu martes 10 de mayu vas poder atopales na esposición que ta na entrada del colexu.

Mira dalgunes coses que ficimos:

Cestu máxicu de pallabres
Llibru de cantares
Xuegos
Mensaxes
Pallabreros
Periódicos

¡¡¡¡Esperamos que vos preste y mandámosvos un saludu y un abrazu pergrandes!!!!

XXI Certame de creación artística/lliteraria

Por cuenta de la celebración de la “XXXVII Selmana de les Lletres Asturianes” nel mes de mayu del 2016, la Conseyería d’Educación y Cultura del Principáu d’Asturies convoca’l XXI CERTAME DE CREACIÓN ARTÍSTICA/LLITERARIA pa escolinos y escolines de Primaria.

Los que deseen participar han escribir un microrellatu de llargor ente 25 y 85 pallabres y temática rellacionada con esta frase:

“Ta nel aire”

Los microrellatos pueden llevar una ilustración. Tolos trabayos presentaos han tar escritos en llingua asturiana.

¿A qué esperes pa participar?. 

Día internacional de la llingua materna

Esti vienres 19 de Febreru celebramos el Día Internacional de la Llingua Materna y por ello, a lo llargo de esta selmana, diremos faciendo distintes actividaes rellacionaes con la nuesa llingua asturiana y les sos compañeres qu’hai espardíes pol mundu: crearemos oxetos máxicos pa vender y que nos ayuden a caltener y deprender la llingua asturiana, sentiremos falar a losnuesos personaxes favoritos n’otres llingües, pintaremos cartelos pa que naide escaeza la importancia de mimar y cuidar les nueses llingües y la importancia de deprender una llingua nueva…

 

Pero enantes de too… ¿Qué ye la llingua materna?

 

Selmana de la mitoloxía

Hola a tod@s

La pasada selmana tuvimos la suerte de poder disfrutar de una esposición sobre mitoloxía fecha pol dibuxante Javier Iván Villa Sánchez.

Lo primero da-yos les gracies a él y los servicios de Normalización Llingüística de San Martín del Rey Aurelio y de Cabu Peñes, que ficieron tolo posible pa que pudiéremos tener nel colexu estes fantástiques pintures.

Prestáronnos muncho muncho y sirviéronnos pa deprender un montón de coses nueves de los personaxes mitolóxicos asturianos que, nun se si lo sabéis, pero hai bayura d’ellos: trasgos, xanes, sumicios, busgosos, serenes, ayalgues…

Y como nos resultó perinteresante la idega,  ocurriósenos una cosa: ¿Y sí creamos nosotros el nueso personaxe mitolóxicu?…

…Prósimamente nel to blog del Gatu Comellingua podrás dir conociendo a los misterioros y orixinales seres mitolóxicos que creamos cola nuesa imaxinación.

¡Ta llueu!

Esposición mitoloxía
Nuesos collacios de terceru
Los escolinos de cuartu
Los mayores del colexu

¡Qué prestoses les postales!

 

IMG_20151221_113925

El pasáu día 21 d´Avientu, entregáronse los premios del concursu de postales convocáu pola Asociación Gaxarte (Onda Peñes). D´ente los ganadores taben 4 de los nuesos escolinos: Lucas, Ainoha, Paula y Ángela.

Dende equí queremos felicitar tanto a ellos como al restu de los collacios que participaron con tol so arte, creatividá y entusiasmu nel concursu.

Prestónos muncho dibuxar y decorar les tarxetes con pintures, purpurina, lazos, pegatines… y toes y caúna d’elles yera mui bonita y especial.

Equí tan los ganadores nel momentu de recoyer el premiu:

IMG_20151221_114259 IMG_20151221_114211 IMG_20151221_114028 IMG_20151221_114328

¡Munches gracies a toos por participar y a la Asociación Gaxarte y Onda Peñes por organizar el concursu!.