{"id":1635,"date":"2019-05-09T13:54:29","date_gmt":"2019-05-09T12:54:29","guid":{"rendered":"https:\/\/www.colegiosanfelix.com\/web\/?p=3360"},"modified":"2019-05-09T13:54:29","modified_gmt":"2019-05-09T12:54:29","slug":"nesta-escuela-somos-teatreros","status":"publish","type":"post","link":"https:\/\/www.aulastic.com\/blogs2\/blog\/2019\/05\/09\/nesta-escuela-somos-teatreros\/","title":{"rendered":"Nesta Escuela Somos Teatreros"},"content":{"rendered":"

Qued\u00f3 claro que nesta escuela somos mui, pero que
\nmui teatreros. Escolinos y escolines de cuartu y de sestu cursu de Llingua
\nAsturiana del CEIP San F\u00e9lix, participaron nel VI Certame de Teatru Escolar en
\nLlingua Asturiana pa Educaci\u00f3n Primaria, que con motivu de la cellebraci\u00f3n de
\nla XL Selmana de les Lletres Asturianes, convoc\u00f3 la Conseyer\u00eda d\u2019Educaci\u00f3n y
\nCultura del Princip\u00e1u d\u2019Asturies.<\/p>\n

Los ne\u00f1os y ne\u00f1es de sestu presentaron al concursu
\n\u201cEl pe\u00f1e d\u2019oru\u201d, una obra perprestosa en tres actos que xira al rodiu la
\nMitolox\u00eda Asturiana, tema central del Mag\u00fcestu na escuela esti cursu. Esta
\nobra, con La Xana perguapa de protagonista, cunta tami\u00e9n con otros personaxes
\ncomo El Trasgu, El Cu\u00e9lebre, El Busgosu, El Dia\u00f1u, La G\u00fcestia y L\u2019Home\u2019l sacu.<\/p>\n

Per otru llau, escolinos y escolines de cuartu
\ncursu, presentaron \u201cLos ciruxanos candasos corten pelo sano\u201d, una comedia qu\u2019al
\ntravi\u00e9s d\u2019una escena cotidiana nun consultoriu m\u00e9dicu, fai una cr\u00edtica social
\npuxando pola escuela y la sanid\u00e1 p\u00fablica, pola m\u00fasica y el teatru n\u2019asturianu,
\npor xugar na cai colos collacios como se fac\u00eda enantes\u2026 .Pero perriba de too glaya
\nporque se respete la Llingua Asturiana como se merez, como a les dem\u00e1s
\nlling\u00fces, y porque s\u2019utilice la Llingua Asturiana en tolos contestos de la vida,
\ncomo ye nel casu de la obra, cuando vamos al m\u00e9dicu. <\/p>\n

Con \u201cLos ciruxanos candasos corten pelo sano\u201d, los
\nescolinos y escolines de cuartu, llograron el \u201cSegundu Premiu a la Meyor Obra\u201d
\ny el \u201cPrimer Premiu al Meyor Gui\u00f3n Adaut\u00e1u\u201d nel VI Certame de Teatru Escolar en
\nLlingua Asturiana pa Educaci\u00f3n Primaria de la Conseyer\u00eda d\u2019Educaci\u00f3n y Cultura
\nd\u2019Asturies. Premios que recoyeron nuna gala perprestosa que se cellebr\u00f3 nel
\nTeatru Palaciu Vald\u00e9s d\u2019Avil\u00e9s.<\/p>\n

Pa cellebrar too esto, per un llau el bon trabayu
\nque ficieron tanto los escolinos y ecolines de cuartu como los de sestu (los
\npremios nun mos importen, importen les ganes que se ponen pa facer les coses),
\ny per otru llau, la XL Selmana de les Lletres Asturianes, el CEIP San F\u00e9lix en collaboraci\u00f3n
\ncol Teatru Prendes de Cand\u00e1s, organiz\u00f3 una Xornada de Teatru Escolar onde se
\nrepresentaron les dos obres de teatru y unos cancios de \u201cXentiquina\u201d y \u201cPop
\nPiqui\u00f1\u00edn\u201d, pa que se notare qu\u2019esta Selmana de les Lletres tuvo dedicada a la
\nm\u00fasica n\u2019asturianu.<\/p>\n

Darr\u00e9u dex\u00e1mosvos un enllaz pa que pod\u00e1is ver les
\nobres de teatru y unes cuantes semeyes tanto de la gala de premios como de la
\ncellebraci\u00f3n nel Teatru Prendes.  <\/p>\n

\u00a1Munches gracies a toos y a toes!<\/p>\n